Malou Henriksenek Binakako Sega Sail Lehiaketan parte hartu zuen

Aiurri 2024ko uzt. 30a, 15:03
Deskargatu Info Ahotsak :
Español English Français Català Galego

Lau bikoteak sari banaketan (Argazkia: Almitza Sega Elkartea)

Emakumeen III. Binakako Sega Sail Lehiaketa jokatu zuten Altzon, joan den larunbatean, Almitza Sega elkarteak antolatuta. Bertan, Malou Henriksenek Irati Astondoarekin bikotea osatu zuen, eta biek hirugarren postua eskuratu zuten.

Lau bikote aritu ziren lehian, eta hona azken emaitza:

1. Maide Garmendia eta Izadi Arrospide (14:57).

2. Alaitz Imaz eta Jugatx Agirre (15:22).

3. Irati Astondoa eta Malou Henriksen (16:09).

4. Luixa Uzkudun eta Susana Lopez (17:28).

Bikote bakoitzak 300 metro karratu ahalik eta azkarren ebaki behar izan zituen. Arauei jarraiki, epaileen begiradapean jardun behar izan zuten, txukun ebaki zezaten eta egindako akatsak zuzen zitzaten.

Kirola Andoain
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!