Joan den astean Guadixeko (Granada) zirkuituan egin ziren hautaketa probak. 120 motoziklistek ekin zioten zortzi hautatzeko lehiari, hiru eguneko iraupena izan zuen txapelketan.
Aparteko abilidadearekin jardun zuen hiru probetan Fernandezek, eta zortzi onenen artean sailkatzea lortu zuen, esan bezala.
David Da Costa, Kerman Martinez, Gabriel Tesini, Alejandra Fernandez, David Gonzalez, Luca Agostinelli eta Yaroslav Karpushin izan ziren hautatu zituzten beste zazpi pilotu gazteak.
Motoziklismoaren munduan, Red Bull MotoGP Rookies Cup izeneko txapelketak “talentu berriak bilatu eta horiek mundu mailan ezagutaraztea du helburu, horrela Munduko Motoziklismo Txapelketara bultzatuz”. Zazpi probek osatzen dute txapelketa, eta asteburu bakoitzeko bi lasterketa jokatzen dira. Horietan, Marc Marquez, Pedro Acosta eta gisako pilotu handiekin bat egiteko aukera edukitzen dute pilotu gazteek.
Alcañizen datorren asteburuan
Hurrengo asteetan, Beñat Fernandezek Europako txapelketako bi azken lasterketei egingo die aurre. Alcañizen (Aragoi) lehenbizikoa, datorren asteburuan (urriaren 12-13); eta, Chesten (Valentzia) bigarrena, azaroaren 23-24an.
