Udaletxean egin duten agerraldian izan dira, halaber, Belen Moreno (PSE-EE), Idoia Mikelez (EAJ-PNV) eta Pepe Iparragirre (Ahal Dugu-Podemos) udal ordezkariak.
Barandiaranek adierazi du “emakumeek egunerokoan bere bizitzako esparru guztietan jasaten duten egiturazko desberdinkeria” salatuko dutela egun horietan, beste urte betez.
Indarkeria matxista egiturazko arazoa dela gehitu du Barandiaranek. “Aspaldian gabiltza horixe salatzen; eta egiturazko arazoa denez, konponbideak ere integrala behar du izan. Ezinbestekoak ditugu arazoari errotik helduko dioten berdintasun politikak garatzea eta indartzea”.
Berdintasun zinegotziak ziurtatu du Andoaingo Udalak irmo jarraituko duela horien aldarrikapenean eta sustapenean. “Baina badakigu hori ez dela nahikoa: politika horiek oinarria emango badigute ere, beharrezkoa dugu jendarte erantzun sendo bat izatea. Gizartearen sostengurik gabe, nekez egingo dute politika horiek aurrera. Hortaz, alde horretatik, deia luzatu nahi diegu herritarrei berdintasunaren alde eta indarkeria matxistaren aurka kontzientzia hartu eta erantzuna ematera”.
Ekitaldi-sorta
Hona egitaraua:
* Azaroak 16, larunbata
19:00 Bastero Kulturgunean. En positivo, Alaia Ensemble abesbatzaren emanaldia. Junkal Guerrero musikari eta konposatzaile andoaindarrak sortutako abestiekin.
* Azaroak 21, osteguna
Txapa tailerra.
17:00. Ludotekan.
* Azaroak 22, ostirala
Antzerkia: Ametsen mundua. Patata Tropikala taldea.
17:00. Ludotekan.
* Azaroak 23, larunbata
- Tailerra: Autodefentsa feminista.
09:30. Kiroldegian.
- Giltzetako eta txapa tailerra
17:30. Gaztelokalean
- Bakarrizketa: Ztandap Mirari Martikorena eta Idoia Torregarai.
19:30. Bastero Kulturgunean.
* Azaroak 25, astelehena
Mugimendu feministaren ekimenarekin bat egingo da.
18:30. Goikoplazan.
