Herriko kristau komunitatea gonbidatu dute osteguneko bilerara

Aiurri 2024ko aza. 12a, 18:35

Anbrosia Olabideko katekesiko egoitzan izango da bilera

Donostiako Elizbarrutiko Bikario Nagusia Mikel Arangurenekin eta talde diozesiarrarekin garrantzi handiko bilera egingo dute Anbrosia Olabideko katekesiko egoitzan, azaroaren 14an, ostegunarekin, 19:00etatik aurrera. Hurrengo urtetatarako ekinbidearen gaineko informazioa helaraziko die bertaratzen direnei, eta antolatzaileek dei berezia egin die Andoainen kristau komunitatea osatzen duten kide guztiei.

Antolatzaileek ohartarazi dutenez, ostegunean ez da hiletarik egingo, jakitun izanik Anbrosia Olabideko egoitzako bilerak daukan garrantzia.

Bestalde, Andoaingo hiru elizetan (San Martin parrokia, Sorabillako San Martin eta Santa Kruz) abenduaren 31 bitarte izango diren elizkizunen ordutegiak gogorarazi dute.

* San Martin parrokia: larunbatetan, 18:30ean, eta igandeetan, 11:30etan.

* Sorabillako San Martin: igandeetan, 11:30ean.

* Santa Krutz: igandeetan, 10:00ean. Hiletei dagokionez, eliza bakoitzean, ohiko ordutegietan izango dira.

Gizartea Andoain

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!