Zapotxin Hernaniko pailazoaren emanaldiarekin hasiera emango diote hitzorduari. Arratsaldeko 17:00etan hasiko da eta sarrerak aurretik salgai daude Ernaitzan, 5 euroko prezioan. Ordu berean, rokodromoan, doako eskalada ikastaroa izango da 8 eta 14 urte bitartekoentzat.
Jarraian, pintxo-poteari ekingo diote. Jateko eta edateko tartea izango da, beraz. Eta askariaren ondoren, errifen zozketa: sariak lortzeko aukera aparta. Arratsaldeko 18:00tan hasita, sari potoloak iragarri dituzte: 300 euroko balioa duen bidaia, sagardotegia 2 lagunentzat, Irunberrin 4 lagunentzat afaria...
Kontzertua
Gaueko 22:00tan hasita, Unidad Alavesa eta Bidelapurrak taldeak igoko dira oholtzara. Ondoren, DJ Stepi disko-jartzailea. Sarrerak 18:00tan salgai jarriko dituzte, 10 euroko prezioan.