2023ko urtarrilaren 6an, sei eskalatzaile sherpekin batera Manasluko gailura (8.156 m.) zapaldu zueneko bizipen pertsonala kontatu zuen Txikonek Basteron. Gogoan hartu behar da egundoko arrakastatzat jo zela igoera hura, 20 urtetan neguan bete gabekoa baitzen.
Era horretan, zortzimilakoen igoerek berez beraiekin dauzkaten baldintza eta zailtasun tekniko edo metereologikoez gain, arlo pertsonalekin zerikusia gehiago duten hainbat alderdi jorratu zituen: hala nola, beldurrarekin borroka, muturreko emozio etsigarri nahiz pozgarrien kudeaketa, hil ala biziko egoera bizitzearen sentsazioa…
Behin baino gehiagotan “hil behar banaiz, hil egingo naiz, beldurrik gabe” pentsatzeraino heldu zela aitortu zien Txikon lemoarrak Basteron bildu ziren mendizaleei.
Euskaldunaren mendi-astea, egunez egun
* Asteartea, azaroaren 19a:
Mendi Filmeko zenbait ikus-entzunezko: Rope; Zerbait aldatu da; La Gara; The Silent Escape; eta, Udalatx, ura eta atxa.
Basteroko auditorioan, 19:00etan.
* Asteazkena, azaroaren 20a:
“Ekuador: Sumendien etorbidea”.
Euskaldunako Jabi Gozalo, Joxean Irazu eta Fernanda Bravo bazkideen eskutik.
Euskaldunaren egoitzan, 19:00etan.
* Osteguna, azaroaren 21ean:
Euskal herritarren Everestera lehenengo igoera.
Pasan Temba Sherparekin solasaldia.
Basteroko ekitaldi aretoan, 19:00etan.
* Igandea, azaroaren 24an:
Mendi irteera, 75. urteurreneko bazkaria.
* Asteazkena, azaroaren 27an:
“El circo de Lescun” liburuaren aurkezpena, Juan Mari Ansa egilearekin.
Euskaldunaren egoitzan, 19:00etan.
* Ostirala, azaroaren 29an:
Euskaldunako M.T. espedizioa Tirolen, Xabier Huitziren eskutik.
Euskaldunaren egoitzan, 19:00etan.
Euskaldunaren oharra:
75. urteurreneko izerditzeko-jertsea (sudadera) salgai dago egoitzan. 20 eurotan.
