Lasterka egiten da, baina ez da ohiko proba. Izan ere, urte amaierakoa jai giroan egiten da. Antolatzaileek gonbita luzatu dute: "Urtero bezala, giro paregabea izango da. Mozorroak ez dira faltako eta, noski, herriko komertzioek eskainitako sariak zozkatuko dira". Abenduaren 31n, lasterkariak goizeko 11:30ean abiatuko dira eta Andoain barrena bost kilometro pasatxoko ibilbidea egingo dute parte-hartzaileek. Ikusleak ez dira faltako, bide bazterretan.
Andoaingo Urtezaharreko lasterketan izena emateko epea zabalik da
Dagoeneko izena eman daiteke rockthesport.com atari digitalean, 10 euro ordainduta. 14 urtekoek gurasoen baimena beharko dute.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!