“Esango nuke ni nagusi izan nintzela lehen borrokaldian, eta bera hirugarrengoan; bigarrengoan nahiko berdintsu aritu ginen borrokan. Azkenean, epaimahaien ustez, bera izan zen garaile, puntutara”.
Nolanahi ere, Mouaffaq nahiko pozik geratu zen profesionaletarako debuta egin ostean. “Sentsazio onekin bukatu nuen borrokaldia, eta uste dut dezenteko maila erakutsi nuela esperientzia handiko aurkari baten aurrean; entrenatzaileak eta Andoaindik Tafallara joandako lagunek ere bikain aritu nintzela aipatu zidaten”.
Galdutako saioekin irabazitakoekin baino gehiago ikasten dela uste duen horietakoa da Mouaffaq, eta Tafallako borrokalditik ikasgaiak aterako dituela etorkizunari begira, ziurtatu du. “Indarrak egokiago neurtzen eta administratzen jakin behar dut, hortxe daukat erronka”.
Jon Vazek borrokaldian egindako grabazio zatia, ikusgai: