Gaur egun, 180 parte-hartzaile eta 80 begirale baino gehiago ditu Izartxo taldeak. Orotara, hiru adin-tartetan banatzen dute beren jarduna: batetik, 4 eta 7 urte bitarteko umeak; bestetik, 8 eta 12 urte bitarteko haurrak; eta, azkenik, 13 eta 15 urte bitarteko nerabeak. Hala, multzo bakoitzari egokitutako ekintzak antolatu dituzte, urte hauetan guztietan, haurrei zein beren familiei bideratuta.
Horrez gain, ikasleek aisialdi-taldean egiten duten bideari jarraipena emateko asmoz, begirale izateko aukera eskaintzen zaie hamasei urtetik aurrerakoei, boluntario-lanetan hasi aurretik, formakuntza jasotzeko aukerarekin. Bertako arduraduna da Yanire Mosquero, eta esker hitzak izan ditu proiektutik gertu egon diren adnoaindar guztientzat: "Jende asko eta asko igaro da taldetik, eta, hortaz, zaila da gure proiektuan beren aletxoa jarri duten pertsonak zenbatzea".