"Axeri Dantzaren 50. urteurrenean, 25 urte bete dira emakumeak talde esanguratsu honetan hasi zirenetik, eta hori dela eta, herritarrek urtez urte bizi izan dutena gogoratzeko eta ibilbide honetan arrastoa utzi duten hainbat pertsonari omenaldi txiki bat egiteko helburuarekin, erakusketa bat antolatu da Bastero Kulturguneko erakusketa-gelan", hitz horiekin aurkeztu du Basterok udaberriko programazioan nabarmentzen den ekitaldietakoa. Maiatzaren 9an zabalduko dute, ekainaren 27ra arte. Hots, Sanjuanak eta Axeri Dantza igaro arte.
Arte eszenikoak maiatzean
Barrexerka, Aztia eta Arizona antzezlanak Bastero Kulturguneko oholtzan ikusteko aukera izango da. Eta ez horiek bakarrik, izan ere Antton Telleriak “Ninini” bakarrizketa berriena ekarriko du Andoainera.
Amazoniako indigenen musika
Musika ikuskizunekin jarraituz, Ensemble Moxos Amazoniako indigenez osatutako talde boliviarra da hurbilduko da. Eskuorria udalerri osoan banatzen ari dira, egunotan, eta sarrerak dagoeneko salgai dira.