Liga aurrera doa eta, amaitzeko sei jardunaldiren faltan, lehia amaigabea da. Ez du inork etsi nahi eta lehen postuari eusteko borrokaldian indarrak parez pare daude. Laugarren sailkatua, Santo Tomas Lizeoa, atzealdean geratzen ari da. Baina lehen hirurek ez dute etsitzen eta, egutegiari erreparatuta, emozio handiko jardunaldia dugu aurretik: Orioko-Euskalduna.
Galtzeko asko dago eta egoera hori baliatu dezake Roteta liderrak. Baina eurek ere partida zaila dute, Touring B-ren aurka ariko baitira. Berriki, Touringek Santo Tomas garaitu du eta, lehen itzulian, Roteta 3-1 gainditu zuten.
FUTBOLA
GORENGO MAILA, 24. jardunaldia:
EUSKALDUNA-AMARA BERRI 4-0
Sailkapena:
1 ROTETA 53 p.
2 EUSKALDUNA 49 p.
3 ORIOKO 49 p.
4 SANTO TOMAS LIZEOA 42 p.
5 TOURING B 40 p.
GORENGO MAILA, 25. jardunaldia:
ORIOKO-EUSKALDUNA. Larunbata, 17:00.