Andoaingo Ibilaldian izena emateko aukera ostiralean amaituko da

Xabier Lasa 2025ko api. 3a, 08:10

Boluntarioen lana garrantzi handikoa da Andoaingo Ibilaldian.

Euskalduna Mendigoizale Taldeak antolatuta, igande honetan da 51. Andoain Ibilaldia. Hiru ibilbide prestatu dituzte: luzea, motza eta familia-girokoa.

Egunotan, Euskaldunako zuzendaritzako kideak Andoaingo Ibilaldia ari dira prestatzen, ehunka mendizale espero baitituzte iganderako. Izena emateko epea apirilaren 4an amaituko da (www.zirkuitua.com web orrian).

  • Ibilbidea luzea (43,5 km.): Andoain-Belkoain (491m.)-Lasarte-Oria-Azkorte-Kraftt-Besabi-Maizulo-Adarra (822 m.)-Leitzaran-Kanalak-Otieta-Andoain. Irteera: 07:00.
  • Ibilbide motza (21 km.): Andoain-Belkoain (491 m.)-Lasarte-Oria-Aitzkorte-Krafft-Andoain. Irteera: 08:00.
  • Ibilbide familiarra (10 km.): Andoain-Belkoain (491 m.)-Erdoiztako karobia-Andoain. Irteera: 09:00.

Lasterka ez, arren

Aizkardiren Ibilaldian parte-hartzaileei honako mezua luzatu zieten: “Mendi lasterketa ez denez, ibili zaitez oinez...”. Denborarekin, izugarrizko aldaketa jasan dute ibilaldi neurtuek eta mendizaleen mentalitateak, Oiartzunek aitortu duenez. “Obsesionatuta gaude denok ere, eta bizitzako beste arloetan bezala mendira goazenean ere, ematen du ezin dugula patxadan ibili, gure aurreko mendizaleen antzera. Denon artean bultzatu dugu azkartasuna ibilaldietan, 42 km.-koetan batez ere”.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!