Gaztelekuk zabaldu duen oharrean Sanjuanetan jokatzen den Kontsejupeko pilota txapelketaren gaineko zenbait azalpen eman ditu: “aste barruan jokatuko dira neurketak, eta finala Sanjuanetan izango da. Ezinbestekoa izango da kartelean jartzen duen telefono zenbakietako batera idaztea, izena emateko. Bikoteko 10€ ordaindu beharko da. Lehen partidua jokatzen denean ordaindu behar da, Bizum bitartez edo eskura. Esan beharrik ez dago, baina antolatzaileekiko errespetua ezinbestekoa da, eta hartutako erabakiak onartu behar dira”.