Azken agurra familia artean egingo da.
Mertxe Manterola Garmendia 68 urte zituela hil da.
Ia hiru hamarkadatan Galardi Haur Eskolako hezitzaile izan ostean 2019ko maiatzean, bertan zuzendari zela jubilazioa hartu zuenean, bertako hezitzaile eta langileek agur beroa egin zioten. Andoaingo Udalak honako oharra zabaldu zuen sare sozialetan: “26 urte luzez haur txikienak goxo-goxo hartu izanagatik gogoratuko dugu. Gaur hartuko du merezitako erretiroa Galardi Udal Haur Eskolako zuzendaria den Mertxe Manterolak. Agur festa egin diote haurreskolako haur, hezitzaile eta langileek. Zorionak Mertxe, bejondeizula!”.
Argazki hauxe zabaldu zuten orduan:
"Emakume leiala, euskaltzale gogomuineraino"
Larramendi Bazkuneko bazkidea zen, eta elkarteko zuzendaritzako kide den Jon Unanuek honako hitzekin definitu du Manterola: “emakume leiala, eskuzabala eta apal bezain jatorra, gogomuneraino euskaltzalea, bere azken laguntza egoitza berrirako ekarpen ekonomikoa egitea izan zen. Zenbat andoaindar goxatu zuen bere besoetan, haurtzaindegian! Betirako gurean, Mertxe”.
“Martxoak 8 emakume” ekimenean nabarmenduetakoa
“Martxoak 8 emakume” ekimenaren 2015eko edizioan, Galardi Haur Eskolako hezitzaileak nabarmendu zituzten zaintzaren arloan, Andoaingo herriaren ongizateari hamarkadetan egin zioten ekarpenagatik.
Ekimena aurkeztu zuten egunean, Galardiko hainbat hezitzaile bildu ziren, tartean Mertxe Manterola. Hona, zehazki, banan-bana, beheko argazkian ageri direnak, ezkerretik hasita: Mertxe Manterola, Garbiñe Otxandorena, Marian Ibaibarriaga, Arantxa Lizarribar, Margarita Bailon eta Ixiar Ansa.
Egun hartan, Galardiko hezitzaileak ez ezik, honako pertsona eta elkarteak nabarmendu zituzten (beheko argazkian), arloz arlo: Ixiar Oiartzabal (baserria); Elena Lertxundi (osasuna); Maria Ormazabal, Maria Erkizia, Anbroxi Ponce eta Rosario Guiu (Labordeko langileak); Axeri Dantza elkartea (berdintasunaren alde lan egin duen taldea); Rosa Luena eta Eva Pelaez (kirola); Alberto Agirre abesbatza (kultura); eta, AEK euskaltegia (euskalgintza).
