Eta, antza, arazoa konpondu ostean datu zuzenak jarriko dituztela erantsi du Ingurumen Sailak. Bestalde, Euskadi osoko mapan honako esaldia ageri da egunotan: "Orduro argitaratzen diren datuak neurtzaile automatikoek denbora errealean jasotako baloreak dira eta balidatzeko zain daude. Beraz, datu hauek behin-behinekoak dira eta berrikusi daitezke".
Ozonoaren neurgailua, apirilaren 7tik daturik gabe
EAEko Airearen Kalitatea Kontrolatzeko Sareak EAEko lurralde osoko ozono-maila zaintzen du, estazio-sarearen bitartez. Andoainen, bada, apirilaren 7tik ez du daturik ematen. Ez, behintzat, modu publikoan. Izan dira 2025ean daturik eman gabeko egunak, baina ez da orain arte horrelako isilaldi luzerik izan.
