Euskadiko Ikasleen Orkestra, musika kontserbatorio eta eskoletako 15 eta 19 urte bitarteko ikasleek osatzen dute. Otsailean burutu zituzten bertan izan zituzten hautaketa prozesuko entzunaldiak, eta orduan izan ziren hautatuak Andoaingo hiru gazteak.
Kursaalean, gaur
Gazte ikasleek eta profesionalek elkarrekin, hirugarren kontzertua emango dute Kursaalean, gaur, 19:00etatik aurrera. Aurreko egunetan, Gasteizen eta Bilbon egin dute emanaldi bana.
Ikuskizun handia piztu dute hiru kontzertuek, eta gaurkorako jada agortuta daude gonbidapenak.
Lau andoaindar izango dira Kursaalean gaur: Lier Sarasola, Aiala Irulegi eta Maddi Azpiroz ez ezik, baita Euskadiko Orkestran aspaldian biolin-jotzailea den Larraitz Oiartzabal Zuriarrain ere.
Etorkizuna izenburua jarri diote kontzertuari, eta honako kantutegiarekin osatuko dute:
- Finlandia, op.26. Jean Sibelius.
- Enigma bariazioak, op. 36 (IX. bariazioa: Nimrod). Edward Elgar.
- Igor printzipea. Dantza Polovsiarrak. Aleksandr Borodin.
- Danzon. 2 zbk. Arturo Marquez.
- 1812 Obertura, op. 49. Piotr Iilich Tchaikovsky.