Maiatzaren 4ko 22:00ak arte luzatuko da murrizketa.
Era berean, Udalak jakinarazi duenez, Allurralde pasealekuko gunea egokitu da, Aita Larramendi ikastolaren parean, “batez ere inguruko bizilagunek beren ibilgailuak aparkatzeko aukera izan dezaten jaiak ospatzen diren bitartean”.
Aparkaleku hori erabiltzeko, bizilagunek baimen pertsonalizatua eskatu behar izan dute udaletxean.
Zirkulazio mozketa dela eta, autobus zerbitzua, Bazkardon, Txistokin, Karrikan, eta Txitibar plazako biribilgunean izango da Donostia aldera joan nahi dutenentzako, eta Tolosaldera doazenentzat, berriz, Bazkardon, Txitibar plazako biribilgunean, Karrikan eta Sorabillan egongo dira geltokiak.