1985ean ireki zuen negozioa, Andoainen. Beraz, 40 urte atzera hasi zen Zabala bitxitegiaren historia. Haren seme Josuk bikain deskribatu zuen negozioa, 2020an Aiurriri egindako elkarrizketan: "Gure negozioa beti familian eman da aurrera. Gure lehentasuna da gure bezeroei, betiko bezeroei, gertuko tratua eskaintzea erosotasun eta profesionaltasun osoz". Jesusek ireki zuen negozioa, eta urte batzuk beranduago Hernanin beste bitxitegi bat zabaldu zuen.
Sorreratik Zabala bitxitegiak konpromiso handia erakutsi zuen herriko eragileekin, bereziki, kirol ekimenei eta taldeei babesa emanez. Horrez gain, Aiurriko sorreratik aldizkariko babeslea izan da Zabala bitxitegia.
Jesus Arteaga Gonzalezen aldeko hileta-elizkizuna bihar izango da, osteguna, arratsaldeko 18:30ean hasita.