Unai Garcia Lopez andoaindarrak irabazi du sari nagusia, "Etorkizuna gaur” bideoarengatik. Epaimahaiaren ustez, “oso ongi pentsatutako kontakizuna da, irudien erabilera egokiarekin. Denon ahotan dagoen gai baten inguruan pentsarazi eta gogoeta eragiten du”. Ez aequo irabazi du Isadora, Renata eta Leonel Virosta Gutiérrez anai-arreba kantabriarrekin batera.
Euskarazko bideo onenaren saria
Joseba Zabala asteasuarrak jaso du, “Ezkutuko erraldoiaren eragina” lanarengatik. Epaimahaiaren hitzetan, “ikusteko oso atsegina izateaz gain, baztertutako hipotesien balioa erakusten du; zientziak nola egiten duen aurrera azaltzen duen bideo ederra da”.