2011 | Ibilbidearen hasiera
Maider Lainezek zinegotzi-akta hartu zuen agintaldiaren hasieran. 2009-2011 urteetan Estanis Amutxastegik Josean Perez Gabarainen lekukoa hartu zuen alkatzetzan. 2011-2015 legegintzaldian, Bilduren legeztatzearekin batera, PSE-EE oposizioan izan zen.
2013 | Andoaingo sozialisten bozeramailea
Estanis Amutxastegik sozialisten bozeramailetza utzi zuen eta Maider Lainezek egin zuen estreinaldia, kargu horretan.
2015 | PSE-EEko hautagaia Andoaingo hauteskundeetan
Maider Lainez PSE-EEren zerrenda-buru aurkeztu zen. Ana Carrerek irabazi zituen hauteskundeak baina kargu-hartze ekitaldia iritsi bitarte ez zen jeltzaleen botoa argitu. Lainezek eskura izan zuen alkatetza, izan ere, sozialisten eta jeltzaleen artean gehiengo osoa bazegoen. EAJ-PNVko abstentzio batek, ordea, koaliziorako aukerak zapuztu zituen eta bigarrenez hartu zuen kargua Carrerek.
2019 | Andoaingo alkatea
Bigarrenean, bai: PSE-EEren eta EAJ-PNVren akordioari esker, hauteskundeak irabazi zituen Andoni Alvarez oposizioan utzi eta Lainezek hartu zuen aginte-makila. Lau urtez Andoaingo alkate izan zen Maider Lainez Lazcoz.
2020 | COVID-19 garaiak
Koronabirusaren aroa alkate postuan bizi izan zuen Lainezek. Argazkian, Udalak iragarri zituen hainbat neurri aurkeztu zituztenean.
2023 | Aginte-makilaren eskualdaketa
Andoni Alvarezek, Podemosen abstentzioari esker, aginte-makila berreskuratu zuen EH Bilduren alde. Argazkian, Lainezek aginte-makila Alvarezen esku utzi zuen unean.
2025 | Andoaingo sozialisten idazkari orokorra
Udaletxeko kargua utzi du, baina ohar bidez adierazi dutenez, Andoaingo PSE-EEko idazkari orokor postuan jarraituko du Lainezek.