Zortzi jokotan neurtu dituzte indarrak, bateko eta besteko gazteek. Hona bakoitzaren gaineko azalpen laburra:
1.- Globo leherketa. Partaide guztiek orkatilan globo bat lotzen dute, eta besteena zapaldu eta lehertzea da helburua.
2.- Lokotxak.
3.- Kixkilla edo sagar-biltzea. Sagardoa egiteko 50na sagar hiru aldiz ea nork lehenago bildu saskian.
4.- Gurpila. Parte-hartzaile bat gurpilean eserita eta beste bi taldekide, tiraka. Egin beharrekoak: hiru luze. Luze bakoitzean eserita doana aldatzen joan behar dute.
5.- Kaxa karrera. Bi kaxekin oinak lurrean jarri gabe, ea nor heltzen den lehena.
6.- Salto lasterketa. Boing-boing baloi jauzilariarekin luze bat egin, eta ur botila bota behar dute.
7.- Patata bultzatzea. Gerrian media bat lotzen dute, eta berarekin joaz, patata eraman behar dute ibilbidearen amaierara.
8.- Mozkor karrera eta punteria. Mozkor karrera egin behar dute, erratz makila dutela lurrari begira hamar itzuli eman, eta ondoren ea nork botatzen dituen lata gehien.
