Aimar Perezek lehendik ere badaki zer den mundu mailako dominak kolkoratzea. Izan ere, Tunisian 2023an jokatu zen txapelketan, urrezko bi domina irabazi zituen. Hain zuzen, Udane Garciarekin batera, Juho Enbu modalitatean (binaka egiten den autodefentsa proba armarekin, 18 urte azpikoen mailan) eskuratu zuen dominetako bat. Bigarren urrezko domina, Bogu randori modalitatean, 14-15 urte artekoen mailan irabazi zuen.
Eraso eta defentsa askeko partida jokatzen da Randori Youth Class modalitate horretan. Kenpo Kai Japoniako diziplina tradizionala da; karate, jiu-jitsu eta judoaren osagaiez konbinatzen ditu kirol horrek. Defentsa pertsonalean oinarritzen da, eta egokitzapen fisiko zorrotza eskatzen du.