KONTZENTRAZIO-DEIALDIA
"ERRESPETATU ANDOAIN plataformak kontzentrazio-deialdia egiten die andoaindarrei ostegun eguerdiro, 12:00etatik 12:30era, Goikoplazan, Udaletxe aurrean biltzeko. Kontzentrazioaren helburua Foru Aldundiak Bazkardon burutu nahi duen LAZO proiektuaren aurrean gure desadostasuna adieraztea da. LAZO-ak ez du konpontzen herriak duen kutsadura-arazo larria, ez baititu egunero Andoaindik pasatzen diren 71.000 ibilgailuak erdigunetik urrentzen. LAZO-ak Andoaingo etorkizuneko garapena mugatzen du. Elkarretaratzea isila izango da eta lehen hitzordua irailaren 4an izango da".
Arratsaldean, auzo-bilera Urigainen
Ez da gaurko antolatu duten ekimen bakarra. Arratsaldean, Urigainen, bilera irekia deitu dute: "Errespetatu andoain plataformak gai honen inguruko xehetasunen berri eman nahi du, eta inguruko bizilagunei dei egiten dizuegu auzo-bileran joan zaitezten". 18:30ean jarri dute hitzordua, ordubeteko iraupena izango duena.