Gavarnieko parajeetara irteera antolatu du Euskaldunak, irailaren 27-28ko astebururako

Aiurri 2025ko ira. 16a, 12:38
Deskargatu Info Ahotsak :
Español English Français Català Galego

Bi irteera antolatu ditu berez Euskaldunak MTk, bata luzea eta bestea motza. Lourdesen larunbat gaua egin ostean, Gavarnieko zirkora abiatuko dira bi taldeak. Espuguettes aterpea-Pimene (2.801 m)-Gavarnie zeharkaldia egingo du luzeak, eta Faja-Pailha aterpea-Gavarnie motzak. Irailaren 18a izango da azken eguna izena emateko. Gavarnie eta Pimene parajetako irudiak, ikusgai (egilea, Jabi Gozalo):

Egitaraua:

* Larunbata, 27

Andoaindik 13:00etan irten, eta Lourdesera, hotelera iritsi. Arratsaldea libre.

 

* Igandea, 28

- Irteera luzea: 07:00etan Gavarnieko zirkora irteera. Espuguettes aterpea-Pimene (2.801 m)-Gavarnie. 21 km. Igotako desnibela: 1.550 m. Denbora: 8 ordu.

- Irteera motza: Gavarnieko zirkora irteera. Gavarnieko zirkoa-Faja-Pailha aterpea-Gavarnie. 12 km. Igotako desnibela: 650 m. Denbora: 5 ordu.

Ondoren, Andoainera itzuli.

Bazkideek 110 euro ordaindu beharko dituzte, eta 125 euro bazkide ez direnek.

Izena emateko azken eguna, irailaren 18a izango da. Lau modutara egin daiteke: Kale Nagusiko egoitzan astearte eta ostegunetan (19:00-20:30); telefonoz, 943592232; whatxappez (688484028); edota korreoz (euskaldunamt@yahoo.es).

Kirola Andoain
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!