Ikastaro teoriko-praktikoa izango da, antolatzaileek zehaztu dutenez.
Era horretan, bi zatitan banatuko dute ekimena.
- 09:30etik 12:00etara. Arturo Elosegik (EHUko irakaslea) eta Markel Arriolabengoak (Tantai kooperatibako kidea) hitzaldia emango dute lehenbizi, eta ezaugarri teknikoak jorratzeko, basora joango dira parte-hartzaile guztiekin. Euskaraz izango da, eta gaztelaniarako itzultzailea egongo da.
- 12:00etatik aurrera. Lurgaia Fundazioko kide baten hitzaldia. Baso landaketen ibilbide historikoa izango du mintzagai. Gaztelaniaz izango da.
Izena emateko, edo informazio gehiago edukitzeko, honako bi kontaktu jarri dituzte eskura antolatzaileek: biolur@yahoo.es korreo elektronikoa, edota, 688662532 telefonoa.
Eguzki talde ekologistak antolatu du ekimena, Andoaingo Udalaren eta Bisitarien Etxearen laguntzarekin.
Joan den otsailaren 25ean, Munttoko parajean (Leitzaran bailara) zuhaitz autoktonoen landaketa egin zuten. Orduko argazki-galeria, hemen:
