Beñat Fernandezek (Team#109 Retro Traffic Kove), bere lehenengo denboraldian, FIM Supersport 300 Munduko Txapelketa irabazi du. Andoaindarrak denboraldia zentzuz kudeatu du, bere lehen urtea izateko aparteko gaitasuna erakutsiz. Puntuak etengabe pilatzen jakin du, eta hutsak edo lasterketa utziak saihestu ditu.
Efren Vazquez pilotu ohiaren babesa izan du Fernandezek. Txapelketaren antolatzaileei eginiko adierazpenetan honako hitz hauek eskaini dizkio andoaindarrari: “Asko hazi da pilotu gisa eta pertsona gisa, txapelketako aurreko postuetan ikusita. Txapelketara eramatea erabaki zuzena izan da, eta berak ere hala ikusten du”.
FERNANDEZEN DENBORALDIA ZENBAKITAN
- Garaipenak: 3
- Podiumak: 10
- Pole position-ak: 1
- Buelta azkarrenak: 5
