(Argazki-sortako lehen argazkian, produkzioko ikasle-taldea ageri da, Izaro Luengo, Iraitz Calvillo, Leire Enrique eta Gorka Navarro, Maria Luisa Alberdi irakaslearekin. Bigarrenean, berriz, lan-talde osoa bilduta dago Zarratak taldearekin).
Eskolan goi mailako graduko ikasketak egiten ari diren ikasleen eskutik gauzatzen da proiektua. Funtsean, euskal musikaren panoraman oso ezagunak ez diren lau talde gazteekin elkarlanean jarduten dute: diskoa grabatu, kontzertua antolatu eta zuzenean zabaldu, merchandisinga, promozioko hain bat lan...
Hain zuzen, lau geletako ikasleek heldu diote egitasmoari (produkzioa, errealizazioa, irudia eta argiztapena, eta, soinua), beren irakasleak izanik, hurrenez hurren, Maria Luisa Alberdi, Pablo Garcia, Iñigo Carrasco eta Estanis Elortza.
Atzo izan zen lehenbiziko emanaldia, eta azaroaren 21ean, abenduaren 5ean, eta 2026ko urtarrilaren 9an izango dira gainerako hiruak.
Ikasleek Andoaingo eta inguruko musika zaleei gonbidapena luzatu diete, ESCIVI eskolak Ama Kandidan etorbidean daukan egoitzara ager daitezen hurrengo emanaldietan.
Punk-metal soinuak, Zarratak taldearekin
Egiako hirukoteak osatzen du taldea: Adur Santos (gitarra eta ahotsa), Peru Legaria (baxua eta ahotsa) eta Danel Ruiz de Gauna (bateria).
Kontzertu osoa, youtuben ikusgai jarri dute ikasleek atzodanik.
