Goizane Alvarez, Kultura, Lankidetza, Gazteria eta Kirol Diputatua eta Mari Jose Telleria Kultura Ondareko zuzendari nagusia izan ziren bertan, eta Burdinako kideek museoan bilduta daukaten ondare historikoaren gaineko azalpenak eman zizkieten.
Halaber, Burdina elkartearen ia 25 urteko ibilbidea azaldu zieten bisitari politikoei (sortze prozesua, auzolanaren filosofia eta herritarren parte-hartzea, berreskurapen lanak Leitzaran bailaran zein hainbat herretan...).
Alvarezek eta Telleriak, bisitaren amaieran harridura eta poza agertu zuten bertako ondare historikoaren berreskurapenean eta dibulgazioan Gordelekun egin den lanketagatik, eta museoaren arduradunekin harreman zuzena eta elkarkidetza mantentzeko borondatea agertu zuten.
