Batetik, Delàs elkarteko Max Carbonell aditua hizlari ariko da. "Palestinako genozidioarekin harremana duten enpresa, banketxe eta Estatuen papera aztertuko da, eta enbargoa zertan den azalduko du", diote antolatzaileek.
Hizlariak
- Centre Delàs. Ikertzailea da Carbonell katalana eta Banka Armatuaren ildoa du ardatz. Gainera, hiriko gizarte-mugimenduetan aktiboa da, batez ere etxebizitzaren aldeko mugimenduan eta Palestinarekiko elkartasun-mugimenduan.
- Gasteizkoak taldekoek 'Conversión de la Industria Militar en Euskal Herria para no fabricar más guerras' liburua izango dute hizpide. Armagintza proiektuetan parte hartzen duten enpresen kopurua nabarmen handitu da, azken urteotan. Euren datuen arabera, "15 urteetan, hirukoiztu egin da Euskal Herrian gerrarako ekoizpena helburu duten enpresa, ikergune eta erakundeen kopurua, eta gaur egun 200 inguru dira". Antolatzaileek aurreratu dutenez, "enpresa berriez gain badira Andoaingo SAPA gisako enpresa historikoak: solasaldian Andoaingo enpresak AEBko armadarekin edo Israelgo beste armagintza enpresekin izan duen harremana aztertuko da".