Nafarroako Bertsolari Txapelketako irabazle da Xabat Illarregi Marzol

Aiurri 2025eko azaroaren 30a

Nafarroako Bertsolari txapelketako finaleko buruz burukora Joanes eta Xabat anaiak iritsi ziren. Nafarroa Arenan 2.500 bertsozaleren aurrean abestu zuten.

Joanes Illarregi (Leitza, 1999) eta Xabat Illarregi (Leitza, 2001) atzoko Nafarroako bertsolari txapelketako protagonista izan ziren, biak iritsi ziren azkeneraino. Aurtengoan txapela anaia gaztearentzat izan da. Xabatentzat, alegia.

Sustraiak Andoainen dituzte bi bertsolariek. Ama bertakoa baitute, Josune Marzol Ormazabal, hain zuzen.

Txapela jantzi orduko bota zuen azken bertsoa

Familiari eta lagunei
hau zuen buruan dago.
Bertso ikasleei besarkada bat,
segi bertsotan luzaro.
Eta, Joanes, izango dira
halako egun gehiago.
Ta alderantziz tokatuko da,
hortaz oso ziur nago.
Baina herria eta hizkuntza
ez bihurtzeko bi bando,
esna gaitezen eta mugitu
gure mingain, gure zango.
Lo hartu ezkero lur honek
ez du hizkuntzarik eramango.
Ta hizkuntzarik ez duen herri bat
ez da herri izango.

Nafaroako Bertsolari txapelketako sailkapena

1. Xabat Illarregi Marzol (1205)
2. Joanes Illarregi Marzol (1198.5)
3. Saioa Alkaiza Guallar
4. Julio Soto Ezkurdia
5. Eneko Lazkoz Martinez
6. Sarai Robles Vitas
7. Ekhiñe Zapiain Arlegi
8. Eki Mateorena Zozaia

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!