Andoaingo Udalak eta herriko eragileek egitaraua prest dute eta, gutxi-asko, festazale gehienek ondotxo dakite jaiaren muina zein den: mozorrotzea da lehen urratsa. Eta, hortik aurrera, gozatzea.
Gune egokituak
Mugikortasun mugatua duten pertsonek desfilea ikusteko guneak izango dituzte Zumea kalean, Juan Bautista Erro kalean eta Goikoplazan.
Gaueko bus zerbitzua
Larunbatetik iganderako gauean bus zerbitzua antolatu du Udalak. Agustin Leitza 1 geltokitik irtengo da eta ibilbidean Sorabillaraino joango da. Geldialdiak eskaeraren arabera egin daitezke.
Erasoen aurrean, arreta
Erasoen aurreko arreta-zerbitzua martxan izango du Udalak. Honako hau da telefono-zenbakia: 676 567 724.
Erasoen aurreko arreta-zerbitzua martxan izango du Udalak. Honako hau da telefono-zenbakia: 676 567 724.
Argazki lehiaketa
Datorren urteko egitarauaren azalean argitaratzeaz gain, 350 euroko saria irabaziko du argazki onenaren egileak. Martxoaren 23an aurkeztu behar da lana Bastero Kulturgunean. Oinarriak Andoain.eus webgunean kontsulta daitezke.