Oharra zabaldu du Andoaingo PSE-EEk: “EH Bilduk baliabideak izan ditu (476.000 euro), denbora (bi urte baino gehiago) eta jarduteko nahikoa marjina politikoa, baina erdibidean geratzea erabaki du. Emaitza argia da: Andoainek 250.000 euro baino gehiago galdu ditu eta bere etorkizuna eta bizilagunen bizi-kalitatea baldintzatuko dituen erabaki estrategiko batean eragiteko gaitasuna galdu du. Beste behin, aukera galdua da Andoainentzat”.
Larritasun handikoa dela iritzi dio Aritz Alkain bozeramaileak: “Ez gaude doikuntza administratibo soil baten aurrean; lehen mailako arduragabekeria politiko baten aurrean gaude. Dirua ez da bueltatzen soberan dagoelako, baizik eta ez delako landu, ez delako planifikatu eta ez delako azkenera arte Andoaingo interes orokorra defendatu”.