Gaztetxoen artean euskarazko kantak sustatzeko Kantari izeneko ikuskizuna errealitate bilakatu da. Debagoienan abiatu zen eta dagoeneko hainbat udalerrietara zabaldu da, tartean, Andoainera. Neska-mutikoak euskal kantak abesten eta dantzatzen ondo pasatzea da asmoa eta, atzokoa ikusita, helburua bete dela esan daiteke.
Oro har, bikain landutako koreografiak aurkeztu zituzten eta bat baino gehiago bikain aritu zen kantuan. Entzulegoak abestuz eta txalo eginez laguntza handia eman zuen, dena esatera. Gatibu, ETS, Pirritx eta Porrotx, Huntza, Berri Txarrak... jendartean aski ezagunak diren abestiak ziren guztiak.
Lehen mailako ikuskizunak
Pantaila handiak, argi eta soinu-muntaia, kea... profesionalen pareko oholtzara igo ziren haurrak, 17 tadetan banatuta. Egun hauetaz argazkiez gozatu ahal izango dute partaideek eta, laster, bideoan zabalduko ditu Aiurrik koreografia guztiak.
