Martxoak 8 2026

Pauso txikiekin, mundua aldatzen da

Aiurri 2026ko martxoaren 8a

Bigarren urtez jarraian, Irradaka dantzatu dute Andoainen. Manifestazio jendetsuari hasiera eman aurretik egin dute Goikoplazan. Hala, plazaren erdira eraman dute partaideek protagonismoa. Plaza ez baita inorena. Eta, izatekotan, mundua aldatu nahi dutenena.

Udaletxeko balkoitik esaldi bat ageri zen, hizki handiekin, Irradaka azaltzeko baliagarria: "Bada dantza bat, pauso txikiekin, mundua aldatzen duena gurekin. Emakume orok plazan badu lekua, begiraden kateak hautsi du zerua. Gure dantza hau plazaren erdira, borobilean, ni zuri begira elkar kateatuz argitzen da bidea. Gurea baita askatasun sarea".

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!