Arrate eta Allurralde, itxita
Oharra argitara eman dute: “Martxoaren 17ko greba orokorrerako deialdia dela eta, gure abonatu eta erabiltzaile guztiei jakinarazten diegu udal kirol instalazioetako langile gehienek deialdiarekin bat egitea erabaki dutela eta, ondorioz, Udalaren kirol instalazio guztiak itxita egongo dira”.
Galardi, CIP eta Hiribusa, gutxieneko zerbitzua
Ez da ohiko ordutegia izango Haurreskolan, oinarrizko lanbide heziketa zentruan eta herri barruko bus zerbitzuan.
Bastero Kulturgunea, gelen araberakoa
Flauta, bibolina, tronpeta, tronboia, tronpa, saxoa… hainbat ikastaro bertan behera utzi dituzte. Eta taldekoetan, musita-hezkuntza A eta hastapena A eta B.
Ataria, bihar arte ez da jakingo
Ezin da bermatu ohiko funtzionamendua eta egunean bertan jakingo da, azkenik, zabalik edo itxita izango den.
Gainerako sektoreak
Hezkuntzan, merkataritzan, industrian... hainbatek greba egingo dutela iragarri badute ere, goizak aurrera joan ahala argituko da beste askoren erabakia.