Asteazkenean Azokaren bigarren eguna izango da.
Azokan jarritako standetan, irakasleek eta ikasleek zikloen edukiak, praktikak eta lanbide-irtenbideak azaltzen dituzte, eta bisitariek orientazio pertsonalizatua jasotzeko aukera dute.
Erantsita doan bideoan, Uxue Iruretagoiena (Leizaran Institutua), Xabi Garin (La Salle Berrozpe) eta Iban Cortes (ESCIVI) irakasleen azalpenak biltzen dira.
Mahai-ingurua, ikusgai
Lehen egunean, arratsaldean, “Etorkizuna diseinatzen: LH, aukeraz beteriko bidea” izenburua zeraman mahai-ingurua egin dute Bastero Kulturgunean bertan. Bost hizlariek hartu dute hitza bertan: Maria Meijide Hezkuntzako ikuskari buruak, Maite Lizartza Hezkuntzako ikuskariak, Natalia Gaston iTlent-eko (LHko Talentuaren Euskal Institutua) ikertzaileak, eta, Joanes Agirre eta Oier Urkola LHko ikasle ohiak.
Mahai-ingurua, osorik, ikusgai jarri dute Andoaingo Udalaren web orrian nahiz ESCIVI ikastetxearen kanalean.