Joan den astean, ostiralarekin, amaitu zen Andoaingo musulmanen Ramadaneko hilabetea. Hori dela eta, Ongi Etorri Eskolara proiektuak sustatzen duen Su-artean Gure-artean ekimenak bigarren saioa egin zuen atzo Batzokia elkartean, Ramadanaren amaiera ospatzeko.
70 parte-hartzaile erakarri zituen atzoko saioak; lepo jarri zuten elkartea, eta aldarte polita eduki zuten kulturarteko harremanez gozatu ahal izateko.
Hain zuzen, Marokoko eta Aljeriako txahal haragia fruitu sekoekin, Marokoko sagar eta kanalezko bizkotxoa, Marokoko gazta tarta, Euskal Herriko taloak eta Sahara eta Marokoko te-a zan zituzten mahaian jaki eta edari gisa, Batzokira bertaratu ziren herritarrek.