Esther Imazek eta Cipri Alonsok irabazi dute Ontza elkartearen 50. Mus Txapelketa

Aiurri 2026ko maiatzaren 18a

Cipri Alonso eta Esther Imaz Ontza elkartean, txapelak burutan, pozez gainezka (Argazkia: Ontza elkartea)

Esther Imazek eta Cipri Alonsok irabazi zuten Jose Mari Erkizia memorialeko 50. Mus Txapelketa Ontza ekartean, joan den ostiral gauean. Azpimarratzekoa da lehenbiziko aldia dela emakume bat finalera iritsi eta irabazten duena, mende erdia igaro ostean.

Antolatzaileek poza adierazi zuten, "musaren munduan berdintasunerako beste pauso bat" dela nabarmenduz.

Imazek eta Alonsok Javier Baltasar eta Iñaki Egues izan zituzten aurkari, finalean.

Musa zaleek Mus Azkarreko Txapelketa ere jokatu zuten ostiral gauean, eta Javier Apategi eta Ignacio Garmendia izan ziren irabazleak.

Gizartea Andoain

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!