Ondoren, Igara Espazio Sozialistan sortu berria den Estoucha Borroka Taldearen aurkezpen labur bat izango da, eta ekitaldiari amaiera emateko, musika-jartzailearekin festa izango da.
Dokumentala hainbat hizkuntzatan da, eta azpitituluak euskaraz dauzka. Diario Socialista agerkari digitalak ekoiztu du ordu eta erdiko iraupeneko dokumentala.
Europako hainbat herrialdetako kazetarien, ikerlarien eta militante antifaxisten testigantzak biltzen ditu dokumentalak.
Egileen esanetan, "Egungo faxismoaren hiru aurpegiren erradiografia" egiten du ikus-entzunezkoak, "eskuin muturreko alderdi parlamentarioak, kaleko talde faxista eskuadristak eta base sozial erreakzionarioa". Izenburuari dagokionez, Antonio Gramsci pentsalari marxistaren esaldi bat dakargi gogoan: alegia, "Mundu zaharra hiltzen ari da, berriari kostatzen zaio jaiotzea, eta bitarte horretan sortzen dira munstroak".
