Helburu hori helburu kolektiboa dela azpimarratzen dute, hortaz, herritarren parte hartzea beharrezkoa dela nabarmendu dute. Horretarako, martxoan onlineko galdetegia martxan jarri zuten andoaindarrek euskararen inguruan duten iritzia eta irudia hobeto ezagutzeko. Ondoren, apirilaren amaieran, hainbat elkarrizketa antolatu zituzten zenbait eremutako eragile eta herritarrekin, haien iritziak eta bizipenak jasotzeko.
Entzundako ahots horien bidez, Andoaingo euskararen egoeraren irudia osatzea lortu dute. Hortik abiatuta, datozen urteetarako erronkak erabaki behar dituzte, bai eta erronka horiek lortzeko egingo dituzten ekintzak ere. Horretarako, bi saio ireki antolatu dituzte, interesa duen herritar oro bertaratzeko. Elhuyar aholkularitzako teknikariek zuzenduko dituzte, lehenengoan, helburuak zehaztuko dituzte, eta bigarrenean, berriz, ekintzen diseinuari ekingo diote.
|
Eguna |
Ordua |
Tokia |
|
Ekainaren 2a, asteartea |
17:30-19:30 |
Bastero kulturgunea |
|
Ekainaren 17a, asteazkena |
17:30-19:30 |
Urigain Kulturetxea |
Udalak bietan parte hartzeko gonbita zabaldu du, haien esanetan, datozen urteetan Andoainen euskararen erabilera suspertzeko jarraitu beharreko bidea zehazten lagunduko baitu.
Parte hartzeko interesa duenak, galdetegi honetan emango beharko du izena https://labur.eus/Aroa_Andoain, edo euskara@andoain.eus. posta elektronikora mezu bat bidali beharko du.