Irekitze ekitaldiarekin bat egin dutenek Extremadurako hainbat produktu (pitarra ardoa, Serenako gazta, txerri proba...) probatuz jardun dute solasean.
Hona egitaraua, gaurtik hasita:
Ekainaren 6an, larunbatarekin:
12:00 Irekitze ekitaldia.
16:30 Mahai joko finalak.
Ekainaren 7an, igandearekin:
14:30. Senidetasun bazkaria. (Menua: patea, xolomoa, gazta, urdaiazpikoa, ganba egosiak, sekretu iberikoa patatekin, eta, flana eta izozkia). 30 euro.
Ekainaren 8an, astelehenarekin:
18:30. Sagardoaren dastaketa. Mizpiradi sagardotegiarekin.
Ekainaren 9an, asteartearekin:
17:30. Marrazki lehiaketa.
18:30. Haurrentzako jokoak. Jolasak amaituta, marrazki lehiaketako saria banatuko da eta haur guztiek txokolate bero batez gozatu ahal izango dute.
Ekainaren 10ean, asteazkenarekin:
18:00. Nagusien eguna. Merienda jubilatuentzat (65 urtetik gorakoentzat). Adinez zaharrena den pertsonari oroigarria emango zaio. Ekainaren 11n, ostegunarekin:
17:30. Arrantzaren gaineko hitzaldia, Jesus Mari Garciarekin.
19:00. Patata-tortillen lehiaketa. Osagaiak elkarteak jarriko ditu.
Ekainaren 12an, ostiralarekin:
19:00 Dantza taldeen eta abesbatzen jaialdia. Extemadura, Andaluzia eta Euskal Herriko kulturen ordezkari gisa: Intxaurrondoko Extremadurako Zentroa, Lasarte-Oriako Erketz Dantza Taldea, eta, Andoaingo Aire Berriak.
Ekainaren 13an, larunbatarekin:
10:00. Miga lehiaketa.
11:00. Toka lehiaketa.
12:00. Ekintza desberdinen sari banaketa eta Kultur Astearen amaiera.
