Rock musikak aldaera ugari ditu eta haien guztien erakusgarri izan zen Nafarroa plazako oholtza gaina. Ehunka zaleturen aurrean Euskal Herriko eta nazioarteko taldeak aritu ziren zuzenean. Gau giro ederrari esker, musikaz gozatzeko gaua izan zen.
Eguerdian hasita musika doinuak entzun zitezkeen Andoaingo gune nagusitan. Doinu haiei jarraiki zaletuak hurbilduz joan ziren. Ez dira gutxi kanpotik egunpasa etortzen diren musikazaleak eta haientzat Andoaingo Rock Jaialdia plan bikaina da.
Akaso beste urte batzuetan jende gehiago elkartu da Nafarroa plazan, baina hala eta guztiz ere ehunka rockzale elkartu zen bertan. Ziurrenik, Silitia, Lezard eta Maruja izan ziren zaletuak gehien asebete zituzten musika proposamenak.