Antolatzaileek aditzera eman dutenez, ekainaren 18an egin zen topaketa horretan, “familiek jatorri desberdinetako platerak ekarri zituzten, eta hena marokoarraren tailerraz gain, txikientzako txapa tailerrak ere izan ziren. Ospakizunean zehar diplomak eman zitzaizkien familiei, ikasturtean zehar egindako borondatezko lana eta programari esker udalerrian sortu diren kulturarteko harremanak azpimarratuz”.
Gogoratu dutenez, Familia Laguna programak migratutako familiak tokiko familiekin harremanetan jartze ditu, eskolara egokitzeko prozesuan akonpainamendua eskaintzeko eta udalerrian kulturarteko harremanak sustatzeko.
Aurten, Andoainen, 32 familiak hartu dute parte programan.
