Azken saioetan Nerea Ibarzabal eta Amets Arzallus gailendu dira eta finalean aritzea dute xede. Helburu bera du Aitor Mendiluzek: 2001etik hona, edizio guztietan, finalean aritzeko sailkatu da. Aurten ere onena eman beharko du.
Gernikako saioan ariko da Joanes Illarregi, hura ere, 2022ko txapelketako finalista.
Euskal Herriko Bertsolari Txapelketa azken txanpan sartzen ari da. Gernikoakoa eta gero, Miarritzen, Donostian, Gasteizen eta Bilbon izango dira hurrengo saioak. Finala, aldiz, abenduaren 20an izango da Iruñean. Zazpi bertsolarirentzat dago tokia Nafarroa Arenako oholtza gainean, zain izango baita Maialen Lujanbio aurreko txapeduna. Laugarren txapela lor dezake.