Ez da pagotxa mende laurdenean Burdinako ehundik gora boluntarioek ondare historikoa berreskuratzeko egin duten ahalegina: eskualdeko hamabi herrietan, 77 esku-hartze (errotak, burniolak, karobiak, meaztegiak...) egin dituzte elkarteko Joxerramon Berrondok gogorarazi zuen moduan.
Elkitaldian, gogoan hartu zituzten ibilbidean hil diren kideak: Joxe Paulo Usandizaga, Manu Izagirre, Regino Otegi, Mikel Iradi, Benigno Gonçalves eta Jose Luis Gracia, hain zuzen.
Ion Belokik ekitaldian abestu zuen bertsoak labur dezake egoki asko atzoko ospakizunaren espiritua:
Konturatzerako bete
jadanik mende laurderna
eta berriz elkartzea
gerta daiteken onena
nahizta batzuk joan diren
urte hauetan barrena
gogoan izan ditzagun
bizirik da oroimena,
Hogeita bost urte jada
Bizkotxen hasi den dena
eta gaur Ortzaikan gaude.
Hauxe da bide zuzen,
asko da lorturikoa
hori gauza nabarmena.
