Aitor Iginitzek Himalaiara joateko grina piztu zien Basterora hurbildu zirenei

Iginitzek Manasluko zeharkaldia izan zuen hizpide argazki eta bideoen laguntzaz, Basteron joan den ostiralean. Euskaldunaren Mendi Astearen lehenbiziko ekitaldia izan zen, eta bihar, asteartearekin, izango du jarraipena. Argazki-sorta eta bideoa (emanaldiko une batzuk), ikusgai.

Basteroko emanaldian bertan izan ziren Iginitzekin Manasluko zeharkaldian parte hartu zuten mendizaleak, Mikel Maiza ez beste guztiak: alegia, Xabier Iribar, Iñaki Urretabizkaia, Joselu Iginiz, Joseba Maiza, Mikel Altuna eta Elias Aranburu.

Iginitzek zeharkaldiaren gaineko hainbat xehetasun azaldu zizkien Basterora hurbildu ziren mendizaleei: halako mendi txangoa egiteko behar diren baldintza fisikoak; Himalaiako eremu horretan zein paisai natural eta mendi tontorrekin goza daitekeen; zeharkaldian topatzen diren herrixkak, herritarrak eta horien kultura eta erlijio sinesmenak; zamalarien bizimodua...

 

Mendi Astearen hurrengo emanaldiak

Azaroak 13, ostirala

“Manaslun barrena”, Aitor Iginitzen eskutik. Bastero, hitzaldi aretoan, 19:00etan.

Azaroak 17, asteartea

“Nire mugen gainetik”, Josu Merinoren eskutik. Euskaldunaren egoitzan, 19:00etan.

Azaroak 18, asteazkena

Bazkideen batzar orokorra. Euskaldunaren egoitzan, 19:00etan.

Azaroak 19, osteguna

“Baruntse mendiaren deia”, Xiril Alvarezen eskutik. Euskaldunaren egoitzan, 19:00etan.

Azaroak 22, igandea

Mendi irteera (Arano-Oianume) eta bazkaria Oianume jatetxean.

Erlazionatuak

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!