Unanibiko zubiko graffitia kendu dute, laser bidezko sistema batekin

Graffitia laser bidezko sistema aurreratu baten bidez kendu ahal izan dute (Argazkia: Andoaingo Udala)

Orain bi hilabete ezezagunek graffitia margotu zuten Unanibiko zubiaren aho batean. Gaur, Udalak garbiketaren berri eman du, argazkiez eta laser bidezko txukunketa-lana erakusten duen bideo batez lagunduta. 

Udalak bere Facebookeko kontuan zabaldu ditu argazkiak eta bideoa. 

Garbiketaren berri ematerakoan, zera adierazi du Udalak:

“Asko pozten gaitu jakinarazteak lan askoren ostean lortu dela zubia garbitzea. Laser bidezko sistema aurreratua erabili da, izan ere, ondare arkeologiko, historikoa eta kultural handikoa da zubia, eta zorionez ingurunea eta erreka kaltetu edo kutsatu gabe egitea lortu da. Zaindu dezagun herria!”.

Orain bi hilabete margotu zuten graffitia ezezagunek (Argazkia: Andoaingo udala)

 

Graffitia kendu eta gero

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!