Musikari gazteen erakustaldia kalean

“Musikalean” izenburupean, Andoaingo Udal Musika Eskolak emanaldi sorta-antolatu du. Argazki-sorta eta hiru bideo, ikusgai.

Plaza Morean, Bastero Kulturguneko erakusketa-aretoaren atarian eta Juanita Alkain plazatxoan saio bana egin dute haur eta gazteek, ikusleen gozamenerako.

Haizezkoen taldea eta perkusioarekin abiatu da arratsaldean, akordeoiak eta txistuak hartu die segida, eta, bukatzeko, biolina, flauta, gitarra eta perkusioa uztartu dituzte.

Ekitaldiari amaiera emateko, txokolate-beroa hartu dute parte-hartzaileek. Santa Zezili musikarien egunaren atarian, jendaurreko erakustaldia egin dute gazteenek.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!