Asmoa
Aiurri euskaratik eta euskaraz diharduen tokiko hedabidea da, prentsa-idatzia eta edizio digitala jorratzen dituena. Eskualdeko hartzailego zabalari begira, egunerokoaren lekuko eta bozgorailu izan nahi du gizarte-bizitzaren kohesioan bidelagun izan asmoz.
Misioa
Informazioaren eta komunikazioaren gizartean, egunerokoaren gakoak ulertzeko hedabide multimedia euskalduna da. Orotariko edukiak lantzen dira irakurlego zabalarentzat: gertukoa, euskararen aldekoa, urte osora zabaltzen da bere jarduna.
Bisioa
Beterri-Buruntza-Aiztondon erreferente izaten jarraituko duen euskarazko hedabide gertukoa, euskaltzalea, ikuspegi irekikoa, sinesgarria eta gizarte eragile aktiboa.
Balioak
Gertukoa
Tokiko hedabidea izanik, hurbilekoak dira albisteak nahiz protagonistak.
Euskaltzalea
Euskarazko hedabidea da eta, harago, euskararen eta euskal kulturaren aldekoa.
Konprometitua
Hedabide sinesgarria helburu, herritarrekin eta gizarte-eragileekin konprometitua.
Berdinzalea
Argitalpenen gai-zerrenda, edukien lanketa eta irudiaren erabilera… Alor horietan genero-ikuspegia aintzat hartzen da.
Plurala
Udalgintzan, politikagintzan... iritzi aniztasunari arreta berezia jartzen zaio.
Zabala
“Komunitatea” atalaren bidez, nagusiki, arlo guztietako eragileek Aiurriren bozgorailua baliatzeko aukera dute.
Berritzailea
TOKIKOMen lankidetzarekin, bereziki, etengabeko berrikuntzan murgilduta dago hedabidea.
Kudeaketa Aurreratua
Kudeaketa Aurreratuaren Ereduan Aiurrik egindako lana saritu zuen Euskalit fundazioak, 2024ko abenduan Bilboko Euskaldunan antolatu zuten ekitaldian.