Bularreko minbizia pairatu duten edo pairatzen ari diren emakumeak gai jartzaile dituen bertso saio berezia da. Tabuak sentiberatasunez eta umorez hausten ari dira.
Umorez zipriztindutako bertso saio hunkigarria osatu dute Uxue Alberdi, Oihana Iguaran, Maider Arregi eta Eli Pagolak, eta horretarako, bidelagun izan dituzte bularreko minbiziaren gaineko estereotipoak apurtzen saiatzen ari diren Izan Inurri elkarteko kideak. Besarkada batean amaitu dute denek, Amaia Agirrek azken bertsoa kantatu ostean.